تعتبر عدسة الرسيفر لـاستقبال اشارات الريموت في الرسيفرات الميني جزء حيويًا لاستقبال إشارات التحكم عن بعد بدقة.ومع ذلك،قد نواجه بعض المشاكل معها في موضوعنا هنشرح ازاي نوفر عدسة جديدة للرسيفر بطريقةسهلةوبسيطة.
 |
عدسة الرسيفر الميني هي عبارة عن جزء صغير خارج الرسيفر.وظيفتها نقل اشارات الريموت للرسيفر.ويواجه الكتير بعض المشاكل مثل عدم استجابة الريموت بشكل صحيح,أو بشكل متقطع,او تلف العدسة,او ضياعها.وفي هذه الحالات يمكن تغير العدسة بعدسة اخري من الانواع المتوافرة والمشهورة بالسوق.
انواع عدسات الرسيفر المني:
- عدسة اجهزة الصن بلص TIMER-GOTO-LM
- عدسة اجهزة المونتاج.
- عدسة اجهزة الاسترا G.
- عدسة البريفكس و الاسترا بسوكت شحن سامسونج.
- عدسة الـ GX.
- عدسة H4.
وغيرها من انواع العدسات الاخري المتوافرة.اما في حالة عدم توافر عدسةللرسيفر من الانواع المعروفة.يبقي في الحالة دي اجيب اي عدسة وعدلها علي الرسيفر.وده اللي هنشرح بالتفصيل.
بعض الامور البسيطة لازم اكون متاكد منها:
- الريموت المستخدم يكون ريموت الجهاز او بديله.ويعمل بشكل جيدا بكل الوظائف.
- تحديد و ترتيب اطراف التوصيل للعدسة الجديدة.
- عدم الاعتماد علي الوان اسلاك التوصيل في الترتيب والتوصيل.
- معرفة العدسة المناسبة للتعديل.
اجزاء عدسة الرسيفر:
بتتكون عدسة الرسيفر من الداخل من اجزاء بسيطة.
- شاشة رقمية لاظهار البيانات.
- لمبة بيان الباور تضئ عند نوصيل الرسيفر بالكهرباء.
- لمبة الاشارة تضئ عند توصيل سلك طبق الدش.
- انفرا IR لاستقبال اشارات الريموت.
- اسلاك التوصيل وبتختلف الوانها من عدسة لاخري.
- IC العدسة وهو المسثول عن تنفيذ كل الوظائف.
- سوكت MP4 للتوصيل بالرسيفر.
 |
| اجزاء عدسة الرسيفر |
- رقم IC العدسة.
- واسلاك التوصيل.
معظم العدسات بيكون رقم الايسي بتاعها MW650B.وده بيكون في عدسات الصن بلص. التايمروالـ GO TO وعدسات الاسترا وعدسات المونتاج وعدسات اجهزة البريفكس ومعظم الاجهزة الاخري.
ام عدسات اجهزة الصن بلص LM والاجهزة التي تعمل بريموت LM فرقم الـ CT 1642 IC
لازم اكون متاكد من رقم الـ IC اللي هيتوافق مع العدسة المراد تعدلها.
بتتكون كل عدسة من 5 اطراف توصيل وبتكون اللونها عادة من احمر واسود واخضر وازرق وابيض واحيانا اصفر ده بيكون في كل العدسات لكن في ملحوظة مهمة جدا.
في حالة التعديل لا يكون اعتمادي في التعديل علي الوان السلك ويكون الاعتماد علي البيانات الي مكتوبة علي العدسة.
اطراف السلك بكون ترنيبه كالاتي:
سلك VCC :هو خط تغذية العدسة بالكهرباء ( 3.3V او 5V ).عادة بيكون لونه احمر.
سلك الارضي :هو خظ تغذية العدسة بالطرف السالب ( Gand).عادة بيكون لونه اسود.
سلك DATA :هو خط نقل البيانات من البرسيسور الي العدسة.عادة بيكون لونه ازرق.
سلك CLK :هو خط اظهار الارقام والبيانات علي العدسة.عادة بيكون لونه اخضر.
سلك IR :هو خط استقبال الاوامر من الريموت.عادة بيكون لونه ابيض او اصفر.
كده احنا عرفنا اجزاء العدسة واسلاك التوصيل.نشوف بقي ازاي نقدر نعدل العدسة ونوصل الاسلاك بالطريقة الصحيحة.
طريقة تعديل عدسة الرسيفر المني :
هنخلي الافوميتر علي وضع البزر (وضع الصفارة) ونقيس سلكة سلكة ونتاكد ان الاسلاك كلها واصلة ببوردة الرسيفر مش شرط نفس الترتيب اهم حاجة تكون الاسلاك كلها واصلة دي اهم نقطة.
كابل العدسة يكون واصل بالرسيفر بدون العدسة.اطراف سلك بس ابدا احدد اول طرف.
سلك الارضي : والافوميتر علي وضع البزر نحدد السلك اللي واصل بجسم الجهاز ونلحمه بالعدسة في خط (G) والرسيفر مفصول عن الكهرباء.
بعض العدسات زي عدسة اجهزة الصن بلص(تايمر) واجهزة المونتاج واجهزة البريفكس بيكون خط الارضي واصل في جسم سوكت MP4 اللي بيوصل في الرسيفر ومش موجود في اطراف السوكت اللي في بوردة الرسيفر .
سلك VCC :سلك الكهرباء وده بقدر احدده بطريقتين.اول طريقة والرسيفر مفصول من الكهرباء.الافوميتر علي وضع البزر نشوف السلك الواصل مع دخل الريجليتور اللي بيكون خلف السوكت تقريبا.او بيكون واصل بالطرف الـ (5V) الواصل بسوكت الـ (USB) ونلحمه في خط VCC في العدسة .
والطريقة التانية والرسيفر واصل بالكهرباء.الافوميترعلي وضع DC 20 V هنقيس اعلي فولت خارج من اسلاك التوصيل.ونلحمه في خط الـ VCC والرسيفر مفصول عن الكهرباء.
بعد توصيل طرفي الكهرباء الـ VCC والارضي بالعدسة.وتشغيل الرسيفر تضئ لمبة بيان الباور باللون الاحمر.وده بيكون في الاجهزة اللي بتكتب LOOD او START اول ما الرسيفر يشتغل. ام الاجهزة اللي بتكتب ON اول ما الرسيفر يشتغل.فلمبة البيان لن تضي اللي بعد توصيل خط الDATA و خط CLK.
سلك الـ IR :وده نقدر نحدده عن طريق القياس.والافوميتر علي وضع DC 20V والرسيفر واصل بالكهرباء.هنلاقيه اقل سلك في القياس.تقريبا هيكون 2.9V لكن الطريقة الافضل ان نوصل سلكة سلكة.من الثلاث اسلاك اللي فاضلين معايا في خط IR في العدسة.مع تجربة الريموت حتي يقلب وتستقبل العدسة كل اوامر الريموت.
يفضل معانا سلك DATA وسلك CLK هنوصلهم بالعدسة ونبدلهم مع بعض لغاية ما العدسة تظهر البيانات والارقام بشكل صحيح.
دي الطريقة البسيطة اللي ممكن اي حد يعدل بيها عدسة الرسيفر المني اي كان نوعه.